।।जय माँ करणी।।
अम्बा हेलो सुण कर आय।
करणी कमी ना राखो कांय ।(टेर)
उडती आजै आकाश में मां ,
माथै आ मंडराय।
आप बिना अब ओर अम्बा,
किण सूं कैवूं कांय।।
अम्बा हेलो सुण कर आय।
करणी कमी ना राखो कांय ।
किनियो मेह सुवाप रो
जिण तप किनो जाय।
हेले आई हिंगलाजा मां,
करणी नाम कहाय।।
अम्बा हेलो सुण कर आय।
करणी कमी ना राखो कांय ।
काढ़यो मुल्तानी कैद सूं मां,
शेखा री कर स्हाय।
संभली रुप सजी सुरराया,
पूगल दियो पुगाय।।
अम्बा हेलो सुण कर आय।
करणी कमी ना राखो कांय ।
चंदू बीरबड़ बैचरा मां,
सेहणी सोनल माय।
आवड़ इन्द्र आवज्यो अर,
गुण सागर गीगाय।।
अम्बा हेलो सुण कर आय।
करणी कमी ना राखो कांय ।
देर करो न देशाणपत,
अम्बा बेगी आय।
श्रवण शरणे शंकरी मां,
साय करण सुरराय।।
अम्बा हेलो सुण कर आय।
करणी कमी ना राखो कांय ।
श्रवण रतनू🙏🙏
कोई टिप्पणी नहीं:
एक टिप्पणी भेजें